Græn ganga 1.mai í samstarfi við stéttarfélög

Græn gangaÁ vef Útivistar kemur fram að Útivist, Landvernd, önnur umhverfisverndar, ferða- og útivistarfélög efna til grænnar göngu 1. maí í samstarfi við stéttarfélög.

Þátttakendur safnast saman um kl. 13:00 við hestinn á Hlemmi. Gengið verður aftast í 1. maí göngu stéttarfélaganna sem hefst kl. 13:30. Að dagskrá lokinni á Ingólfstorgi kl. 15 verður gengið að Alþingishúsinu þar sem þúsund grænum fánum verður stungið niður. Göngumenn eru hvattir til að klæðast grænu.

Náttúran er ein dýrmætasta sameign þjóðarinnar. Náttúran, með víðernum og fegurð landsins er einnig orðin okkar helsta tekjulind með örum vexti í ferðaþjónustu.

Eftirfarandi félög standa að grænu göngunni 2014: Landvernd, Ferðaklúbburinn 4×4, Ferðafélag Íslands, Ferðafélagið Útivist, Samtök útivistarfélaga (SAMÚT), Ungir umhverfissinnar, Alda – félag um sjálfbærni og lýðræði, Fuglavernd, Framtíðarlandið, Náttúruverndarsamtök Austurlands, Náttúruverndarsamtök Íslands, Náttúruverndarsamtök Suðvesturlands, Náttúruverndarsamtök Suðurlands, Samtök um náttúruvernd á Norðurlandi, Náttúruvaktin, Sól á Suðurlandi, Eldvötn, Umhverfisvaktin við Hvalfjörð og Græna netið.

Fara á vef Útivistar hér
Á Facebook hefur verið stofnaður viðburður fyrir gönguna.