Fundur um brennisteinsmengun frá eldgosinu í Holuhrauni

Holuhraun2Almannavarnadeild ríkislögreglustjóra í samvinnu við Veðurstofu Íslands, Umhverfisstofnun, Embætti  Sóttvarnarlæknis og Vinnueftirlit ríkisins boða til opins upplýsingafundar vegna gasmengunar frá eldgosinu í Holuhrauni. Markmið fundarins er að miðla upplýsingum um gasmengunina til fulltrúa sveitarfélaga um land allt, heilbrigðisfulltrúa sveitarfélaganna, til almannavarnanefnda og annarra sem málið varðar.

Einnig er markmið fundarins að samhæfa skilaboð til almennings og hvetja sveitarfélögin og stofnanir þeirra til þess að miðla upplýsingum til íbúa sveitarfélaganna.

Fundurinn verður haldinn í móttökusal Veðurstofu Íslands, Bústaðavegi 7, þriðjudaginn 18. nóvember kl. 14:30-16:30.

Fundinum verður streymt yfir netið svo þeir sem ekki eiga heimangengt geta fylgst með á netinu hér

Fara á slóð beinnar útsendingar af fundinum hér

 

Hægt verður að senda inn spurningar inn á fundinn í gegnum póstfangið:  so2fundur@gmail.com

Fundurinn er opinn á meðan húsrúm leyfir. Vinsamlegast tilkynnið þátttöku í info@sst.is fyrir kl. 12:00 mánudaginn 17. nóvember. Frekari upplýsingar í síma 570-2643.

Dagskrá fundarins:

Almannavarnir,  Víðir Reynisson, deildarstjóri  – Stutt kynning á efni fundarins

Veðurstofan,  Elín Björk Jónsdóttir, veðurfræðingur – Spákort, spálíkön, dreifing mengunar og breytingar sem fylgja vetrinum.

Umhverfisstofnun,  Vanda Úlfrún Liv Hellsing, umhverfis- og auðlindafræðingur – SO2 taflan, Loftgæði.is, mælingar og nýjir mælar og staðsetning þeirra.

Sóttvarnarlæknir Þórólfur Guðnason, yfirlæknir –  Áhrif SO2 á heilsu

Vinnueftirlit ríkisins, Víðir Kristjánsson, deildarstjóri – Rétt viðbrögð við SO2 mengunar og atvinnulífið.