Óskað eftir kynningum frá félagasamtökum á loftslagsfund

Festa og Reykjavíkurborg halda loftslagsfund þar sem fyrirtækjum og félagasamtökum sem tengjast loftslagsmálum er boðið að vera með kynningar.  Loftslagsfundurnn verður haldinn í Hörpu þann 8.desember n.k. og geta félagasamtök kynnt nýjungar í loftslagsmálum sér að kostnaðarlausu.

Fyrirtækjum er boðið að vera með örfyrirlestra eða kynningu á nýjungum í loftslagsmálum og þá gegn gjaldi.

Reykjavíkurborg hefur nú ákveðið að styðja við félagasamtök, nýsköpunar- og menntastarf með því að bjóða þeim kynninggarpláss endurgjaldslaust.

Óskað er eftir að umsóknir um kynningar berist fyrir 30. nóvember n.k. á  netfangið usk@reykjavik.is merkt “Loftslagsfundur2017” þar sem fram kemur nafn á félagasamtökum, netfang tengiliðar og lýsing á því verkefni sem verður kynnt. Kynningarefnið sjálft er á ábyrgð og kostnað þátttakenda.Takmarkað pláss er í boði svo val á þátttakendum fer eftir hversu vel verkefnið tengist loftslagsmálum.

Nánari lýsing á tilhögun örfyrirlestra og kynningarstarfs má sjá hér

Umhverfisfréttir hvetja félagasamtök sem tengjast loftslagsmálum að taka þátt.